Buku 2 Johannes

2 Johannes ᯐᯬᯂᯉ᯲ᯉᯘᯩ᯲ 1

1:1 Ahu surat ni sintua i mandapothon ina soripada, naung pinillit, nang mandapothon angka anakkonna, angka na huhaholongi situtu; jala ndada holan ahu, dohot do saluhut naung tumanda hasintongan i, ᯀᯂᯮ ᯘᯮᯒᯖ᯲ ᯉᯪ ᯘᯉᯪ᯲ᯖᯮᯀ ᯤ ᯔᯉ᯲ᯑᯇᯖᯬ᯲ᯂᯉᯬ᯲ ᯤᯉ ᯘᯬᯒᯪᯇᯑ ᯉᯀᯮᯰ ᯇᯪᯉᯞᯪ᯲ᯞᯖᯪ᯲ ᯉᯰ ᯔᯉ᯲ᯑᯇᯖᯬ᯲ᯂᯉᯬ᯲ ᯀᯰᯄ᯦ ᯀᯉᯄ᯦᯲ᯄ᯦ᯉᯬ᯲ᯉ ᯀᯰᯄ᯦ ᯉ ᯂᯮᯂᯂᯬᯞᯬᯝᯪ ᯘᯪᯖᯮᯖᯮ ᯐᯞ ᯉ᯲ᯑᯑ ᯂᯬᯞᯉ᯲ ᯀᯂᯮ ᯑᯬᯂᯖᯬ᯲ ᯑᯬ ᯘᯞᯮᯂᯖᯮ᯲ ᯉᯀᯮᯰ ᯖᯮᯔᯉ᯲ᯑ ᯂᯘᯉᯪ᯲ᯖᯬᯝᯉ᯲ ᯤ

1:2 ala ni hasintongan, na mian di bagasan hita, jala na mandongani hita ro di salelenglelengna: ᯀᯞ ᯉᯪ ᯂᯘᯉᯪ᯲ᯖᯬᯝᯉ᯲ ᯉ ᯔᯪᯀᯉ᯲ ᯑᯪ ᯅᯎᯘᯉ᯲ ᯂᯪᯖ ᯐᯞ ᯉ ᯔᯉ᯲ᯑᯬᯝᯉᯪ ᯂᯪᯖ ᯒᯬ ᯑᯪ ᯘᯞᯩᯞᯰᯩᯞᯩᯞᯰᯩᯉ

1:3 Didongani asi ni roha, talup ni roha dohot dame ma hita, sian Debata Ama dohot sian Jesus Kristus, Anak ni Ama i, marhitehite hasintongan dohot haholongon! ᯑᯪᯑᯬᯝᯉᯪ ᯀᯘᯪ ᯉᯪ ᯒᯬᯂ ᯖᯞᯇᯮ᯲ ᯉᯪ ᯒᯬᯂ ᯑᯬᯂᯖᯬ᯲ ᯑᯔᯩ ᯔ ᯂᯪᯖ ᯘᯪᯀᯉ᯲ ᯑᯩᯅᯖ ᯀᯔ ᯑᯬᯂᯖᯬ᯲ ᯘᯪᯀᯉ᯲ ᯐᯩᯘᯘᯮ᯲ ᯄ᯦᯲ᯒᯘᯪ᯲ᯖᯘᯮ᯲ ᯀᯉᯄ᯦᯲ ᯉᯪ ᯀᯔ ᯤ ᯔᯒ᯲ᯂᯪᯖᯩᯂᯪᯖᯩ ᯂᯘᯉᯪ᯲ᯖᯬᯝᯉ᯲ ᯑᯬᯐᯖᯬ᯲ ᯂᯂᯬᯞᯬᯝᯉᯬ᯲

1:4 Mansai tarhilas do rohangku, ala jumpang ahu anakkonmu deba, angka na mamarangehon hasintongan, marguru tu patik naung tajalo sian Ama i. ᯔᯉ᯲ᯘᯤ ᯖᯒ᯲ᯂᯪᯞᯘ᯲ ᯑᯬ ᯒᯬᯂᯰᯄ᯦ᯮ ᯀᯞ ᯐᯔᯮ᯲ᯇᯰ ᯀᯂᯮ ᯀᯉᯄ᯦᯲ᯄ᯦ᯉᯬ᯲ᯔᯮ ᯑᯩᯅ ᯀᯰᯄ᯦ ᯉ ᯔᯔᯒᯝᯩᯂᯉᯬ᯲ ᯂᯘᯉᯪ᯲ᯖᯬᯝᯉ᯲ ᯔᯒ᯲ᯎᯮᯒᯮ ᯖᯮ ᯇᯖᯄᯪ᯲ ᯉᯀᯮᯰ ᯖᯐᯞᯬ ᯘᯪᯀᯉ᯲ ᯀᯔ ᯤ

1:5 Na mangido ma ahu nuaeng tu ho, ale inang soripada, ndada songon patik na imbaru na sinurathon tu ho, na di hita sian mulana, i do: Naeng masihaholongan hita. ᯉ ᯔᯝᯪᯑᯬ ᯔ ᯀᯂᯮ ᯉᯮᯀᯀᯰᯩ ᯖᯮ ᯂᯬ ᯀᯞᯩ ᯤᯉᯰ ᯘᯬᯒᯪᯇᯑ ᯉ᯲ᯑᯑ ᯘᯬᯝᯉᯬ᯲ ᯇᯖᯄ᯦ᯪ᯲ ᯉ ᯀᯔᯪ᯲ᯅᯒᯮ ᯉ ᯘᯪᯉᯮᯒᯖ᯲ᯂᯉᯬ᯲ ᯖᯮ ᯂᯬ ᯉ ᯑᯪ ᯂᯪᯖ ᯘᯪᯀᯉ᯲ ᯔᯮᯞᯉ ᯤ ᯑᯬ ᯉᯀᯰᯩ ᯔᯘᯪᯂᯂᯬᯞᯬᯑᯉ᯲ ᯂᯪᯖ

1:6 Jala on do holong ni roha i; naeng parangehononta patikna. I do patik siparangehononmuna, songon naung binegemuna sian mulana i. ᯐᯞ ᯀᯉᯬ᯲ ᯑᯬ ᯂᯬᯞᯰᯬ ᯉᯪ ᯒᯬᯂ ᯤ ᯉᯀᯰᯩ ᯇᯒᯝᯩᯐᯉᯉᯬ᯲ᯖ ᯇᯖᯄ᯦ᯪ᯲ᯉ ᯤ ᯑᯬ ᯇᯖᯄ᯦ᯪ᯲ ᯘᯪᯇᯒᯝᯩᯂᯬᯉᯉᯬ᯲ᯔᯮᯉ ᯘᯬᯝᯉᯬ᯲ ᯉᯀᯮᯰ ᯅᯪᯉᯩᯎᯩᯔᯮᯉ ᯘᯪᯀᯉ᯲ ᯔᯮᯞᯉ ᯤ

1:7 Ai nunga borhat torop siulahon sipaotooto tu portibi on, angka na so marhatopothon Jesus Kristus ro di bagasan daging. I ma na paotootohon, jala i do Antikristus i. ᯀᯤ ᯉᯮᯝ ᯅᯒᯬ᯲ᯂᯖ᯲ ᯖᯬᯒᯇᯬ᯲ ᯘᯪᯥᯞᯂᯉᯬ᯲ ᯘᯪᯇᯀᯬᯖᯬᯀᯬᯖᯬ ᯖᯮ ᯇᯒᯬ᯲ᯖᯪᯅᯪ ᯀᯉᯬ᯲ ᯀᯰᯄ᯦ ᯉ ᯘᯬ ᯔᯒ᯲ᯂᯖᯬᯇᯖᯬ᯲ᯂᯉᯬ᯲ ᯐᯩᯘᯘᯮ᯲ ᯄ᯦᯲ᯒᯘᯪ᯲ᯖᯘᯮ᯲ ᯒᯬ ᯑᯪ ᯅᯎᯘᯉ᯲ ᯑᯎᯰᯪ ᯤ ᯔ ᯉ ᯇᯀᯬᯖᯬᯀᯬᯖᯬᯂᯉᯬ᯲ ᯐᯞ ᯤ ᯑᯬ ᯀᯉ᯲ᯖᯪᯄ᯦᯲ᯒᯘᯪ᯲ᯖᯘᯮ᯲ ᯤ

1:8 Matahon hamu ma dirimuna, asa unang mago sian hamu naung niulamuna; naeng ma upa na gok jaloonmuna! ᯔᯖᯂᯉᯬ᯲ ᯂᯔᯮ ᯔ ᯑᯪᯒᯪᯔᯮᯉ ᯀᯘ ᯥᯉᯰ ᯔᯎᯬ ᯘᯪᯀᯉ᯲ ᯂᯔᯮ ᯉᯀᯮᯰ ᯉᯪᯥᯞᯔᯮᯉ ᯉᯀᯰᯩ ᯔ ᯥᯇ ᯉ ᯎᯄ᯦ᯬ᯲ ᯐᯞᯬᯀᯉᯬ᯲ᯔᯮᯉ

1:9 Ganup na mangalaosi na so mian di bagasan poda ni Kristus, ndang partohap i di Debata. Na mian di bagasan poda, i do partohap di Ama i dohot di Anak i! ᯎᯉᯇᯮ᯲ ᯉ ᯔᯝᯞᯀᯬᯘᯪ ᯉ ᯘᯬ ᯔᯪᯀᯉ᯲ ᯑᯪ ᯅᯎᯘᯉ᯲ ᯇᯬᯑ ᯉᯪ ᯄ᯦᯲ᯒᯘᯪ᯲ᯖᯘᯮ᯲ ᯉ᯲ᯑᯰ ᯇᯒ᯲ᯖᯬᯂᯇ᯲ ᯤ ᯑᯪ ᯑᯩᯅᯖ ᯉ ᯔᯪᯀᯉ᯲ ᯑᯪ ᯅᯎᯘᯉ᯲ ᯇᯬᯑ ᯤ ᯑᯬ ᯇᯒ᯲ᯖᯬᯂᯇ᯲ ᯑᯪ ᯀᯔ ᯤ ᯑᯬᯂᯖᯬ᯲ ᯑᯪ ᯀᯉᯄ᯦᯲ ᯤ

1:10 Molo ro halak tu hamu, na so mamboan poda on, unang ma jangkon hamu ibana tu jabu, unang ma tabi hamu! ᯔᯬᯞᯬ ᯒᯬ ᯂᯞᯄ᯲ ᯖᯮ ᯂᯔᯮ ᯉ ᯘᯬ ᯔᯔ᯲ᯅᯬᯀᯉ᯲ ᯇᯬᯑ ᯀᯉᯬ᯲ ᯥᯉᯰ ᯔ ᯐᯰᯄ᯦ᯉᯬ᯲ ᯂᯔᯮ ᯖᯮ ᯐᯅᯮ ᯥᯉᯰ ᯔ ᯖᯅᯪ ᯂᯔᯮ

1:11 Gari na mangalehon tabi tu ibana, saor do tu angka ulaonna na jahat i. ᯎᯒᯪ ᯉ ᯔᯝᯞᯩᯂᯉᯬ᯲ ᯖᯅᯪ ᯖᯮ ᯤᯅᯉ ᯘᯀᯖᯬ᯲ ᯑᯬ ᯖᯮ ᯀᯰᯄ᯦ ᯥᯞᯀᯉᯬ᯲ᯉ ᯉ ᯐᯂᯖ᯲ ᯤ

1:12 Godang do nian sisurathononku tu hamu; alai ndang une roha, anggo marhitehite harotas dohot tinta; alai dihirim rohangku, ahu ro mandapothon hamu, asa mangkatai hita adop bohi be, asa gok halalas ni rohanta. ᯎᯬᯑᯰ ᯑᯬ ᯉᯪᯀᯉ᯲ ᯘᯪᯘᯮᯒᯖ᯲ᯂᯬᯉᯉᯬ᯲ᯄ᯦ᯮ ᯖᯮ ᯂᯔᯮ ᯀᯞᯤ ᯉ᯲ᯑᯰ ᯥᯉᯩ ᯒᯬᯂ ᯀᯰᯎᯬ ᯔᯒ᯲ᯂᯪᯖᯩᯂᯪᯖᯩ ᯂᯒᯬᯖᯘ᯲ ᯑᯬᯂᯖᯬ᯲ ᯖᯉᯪ᯲ᯖ ᯀᯞᯤ ᯑᯪᯂᯪᯒᯔᯪ᯲ ᯒᯬᯂᯰᯄ᯦ᯮ ᯀᯂᯮ ᯒᯬ ᯔᯉ᯲ᯑᯇᯖᯬ᯲ᯂᯉᯬ᯲ ᯂᯔᯮ ᯀᯘ ᯔᯰᯄ᯦ᯖᯤ ᯂᯪᯖ ᯀᯝᯇᯬ᯲ ᯅᯬᯂᯪ ᯅᯩ ᯀᯘ ᯎᯄ᯦ᯬ᯲ ᯂᯞᯞᯘ᯲ ᯉᯪ ᯒᯬᯂᯉ᯲ᯖ

1:13 Na manongos tabi tu ho angka anakkon ni anggim, na tarpillit i. ᯉ ᯔᯉᯬᯝᯘᯬ᯲ ᯖᯅᯪ ᯖᯮ ᯂᯬ ᯀᯰᯄ᯦ ᯀᯉᯄ᯦᯲ᯄ᯦ᯉᯬ᯲ ᯉᯪ ᯀᯰᯎᯔᯪ᯲ ᯉ ᯖᯒ᯲ᯇᯞᯪ᯲ᯞᯖᯪ᯲ ᯤ